Bolton: "Netanyahu İran rejiminin dəyişməsi üçün fürsət görür"

ABŞ-nin sabiq milli təhlükəsizlik müşaviri Con Bolton bildirib ki, İsrail Baş naziri Benyamin Netanyahu hazırda İran rejiminin dəyişməsi üçün real fürsət görür.

TodayPress TV xəbər verir ki, bu barədə “Der Spiegel” yazıb.  

Onun sözlərinə görə, Netanyahu hesab edir ki, İran İslam Respublikası 1979-cu ildən bəri heç vaxt bu qədər zəif olmayıb.

“Netanyahu düşünür ki, rejim dəyişikliyi üçün fürsət yaranıb. İsrail 7 oktyabr 2023-cü il HƏMAS hücumundan sonra Yaxın Şərqi yenidən formalaşdırıb və İranla onun müttəfiqlərinə bir-birinin ardınca zərbələr endirib”, – deyə Bolton qeyd edib.

Eyni zamanda o, İsrailin ABŞ-siz İranın nüvə proqramını tamamilə məhv edə biləcəyinə şübhə ilə yanaşdığını da əlavə edib.

Qiymət Mahir