Ermənistanda Müdafiə Nazirinin müşavirinin oğlu saxlanıldı

Ermənistan Müdafiə Naziri Suren Papikyanın müşavirinin oğlu 24 yaşlı bir şəxsin qətl işi ilə bağlı həbs edilib. 

TodayPress TV xəbər verir ki, bu barədə kriminal xəbərlər portalı "shamshyan.com" məlumat yayıb.

Hadisə "kriminal avtoritet" Rustam Stepanyanın evinin yaxınlığında baş verib. 

Avqustun 15-də 24 yaşlı şəxs Proşyan kəndində odlu silah yarası ilə tapılıb. O, xəstəxanaya çatdırılsa da, həkimlərin səylərinə baxmayaraq xilas edilə bilməyib.

Nəşrin məlumatına görə, hüquq-mühafizə orqanları üç şübhəlini müəyyən edib və məhkəmə onların həbsinə qərar verib. Onlardan biri Artashes Tonoyandır. Məlumata görə, o, Müdafiə Nazirliyinin rəhbərinin müşavirinin oğludur.

Qeyd olunub ki, qətlə yetirilən şəxsin kriminal dairələrlə əlaqəsi yoxdur. Hadisə yerində onun niyə olduğu və yaralanma səbəbləri hələlik məlum deyil.

Töhfə Səməd