BMT Ukrayna ilə bağlı iclas keçirəcək

BMT Təhlükəsizlik Şurası gələn həftə Ukraynadakı münaqişə ilə bağlı iclas keçirəcək.

TodayPress TV xəbər verir ki, bu barədə "TASS" məlumat yayıb.

Dünya təşkilatının yenilənmiş iş cədvəlinə görə, görüş yanvarın 12-də, yerli vaxtla saat 15:00-da başlayacaq. İclasın gündəliyində “Ukraynada sülhün və təhlükəsizliyin qorunması” məsələsi yer alıb.

Yanvarın 9-da Rusiya Müdafiə Nazirliyi ölkə ordusunun Ukraynadakı vacib hədəflərə, o cümlədən "Oreshnik" sistemindən istifadə etməklə kütləvi hücum həyata keçirdiyini açıqlayıb. Nazirliyin məlumatına görə, Rusiya qüvvələri Kiyevin 29 dekabr 2025-ci il gecəsi Novqorod vilayətindəki Prezident Vladimir Putinin iqamətgahına hücum cəhdinə cavab verib və bütün məqsədlərinə nail olduqlarını bildirib.

Ukraynanın xarici işlər naziri Andrey Sibiqa isə sosial mediada yazıb ki, ölkə hakimiyyəti Rusiyanın Lvov vilayəti ərazisindəki "Oreshnik" hücumu ilə bağlı təcili olaraq BMT Təhlükəsizlik Şurasının iclasını çağırır.

Türkan İsgəndərli

TodayPress TV