Belarus “Su-30SM2” qırıcıları alacaq

Gələn həftə Belarus ordusuna müasir Rusiya istehsalı olan “Su-30SM2” döyüş təyyarələri təhvil veriləcək.

TodayPress TV xəbər verir ki, bu barədə Belarusun müdafiə naziri Viktor Xrenin “BelTA”ya açıqlamasında bildirib. Onun sözlərinə görə, bu qırıcılar Ukraynadakı xüsusi hərbi əməliyyat təcrübəsi nəzərə alınaraq modernləşdirilib.

Nazir əlavə edib ki, Belarus bundan başqa “Mi-35” helikopterləri, “BTR-82A” zirehli transportyorları və digər hərbi texnika nümunələri də əldə edəcək. Eyni zamanda radioelektron mübarizə və pilotsuz uçuş aparatları sahəsində avadanlıqların da ölkəyə gətirilməsi nəzərdə tutulur.

“Bütün bu texnikanı öyrənmək və tətbiq etməyi əsgərlərimizə öyrətməliyik”  deyə Xrenin vurğulayıb.

Qiymət Mahir