Almaniya Rusiyanı atəşkəsə razı salmaq üçün sanksiyalar hazırlayır

Almaniya müttəfiqləri ilə birlikdə Ukraynada atəşkəslə razılaşmadığı təqdirdə Rusiya Federasiyasına qarşı yeni sanksiyalar paketi hazırlayır.   

TodayPress TV “Bloomberg”ə istinadən xəbər verir ki, bu barədə Almaniya hökumətinin rəsmi nümayəndəsi Stefan Kornelius bildirib. 

Korneliusun sözlərinə görə, Almaniya hökuməti daim anti-Rusiya sanksiyaları variantlarını axtarır və nəzərdən keçirir.   

O əlavə edib ki, Avropa İttifaqı bu həftə 17-ci məhdudiyyətlər paketini qəbul edəcək.   

Onların Rusiyanın maliyyə sektoruna yönələcəyi gözlənilir. 

Kornelius həmçinin bildirib ki, ABŞ-nin Aİ sanksiyalarına dəstəyi Rusiya və ABŞ prezidentləri Vladimir Putin və Donald Tramp arasında mayın 19-da baş tutacaq telefon danışığının nəticəsindən asılıdır.