ABŞ və İran arasında nüvə danışıqları baş tutacaq

ABŞ prezidentinin Yaxın Şərq üzrə nümayəndəsi Stiv Uitkoff və vitse-prezident Ceyms Devid Vens bu həftə İran rəsmiləri ilə nüvə sazişi üzrə görüş keçirə bilərlər. 

TodayPress TV xəbər verir ki, bu barədə "The New York Times" və "Axios" məlumat yayıb.

Məlumata görə, ABŞ prezidenti Donald Tramp bu görüşə təşəbbüs edib. Əgər danışıqlar baş tutsa, ABŞ rəsmiləri İranın xarici işlər naziri Abbas Əraqçi ilə görüşə bilər. Əraqçi 2015-ci ildə imzalanmış nüvə sazişində əsas rol oynayıb və yenidən dialoqa açıq olduğunu bildirib.

Qeyd olunur ki, Uitkoff bu həftə Əraqçi ilə tək görüşə bilər. Görüşdə nüvə razılaşması və İran-İsrail arasında müharibəyə son qoymaq üçün diplomatik yollar müzakirə olunacaq.

Türkan İsgəndərli