Ukrayna-Polşa sərhədindəki keçid məntəqəsi bağlandı
Ukrayna-Polşa sərhədində yerləşən Krakovets keçid məntəqəsində hər iki istiqamətdə şəxslərin və nəqliyyat vasitələrinin emalı müvəqqəti olaraq dayandırılıb.
TodayPress TV xəbər verir ki, bu barədə "RBK-Ukrayna" ölkənin Dövlət Sərhəd Xidmətinin mətbuat xidmətinə istinadən məlumat yayıb.
Sərhədçilərin sözlərinə görə, işlərin dayandırılmasına səbəb elektrik enerjisinin verilməməsidir. Fövqəladə vəziyyətlə əlaqədar hazırda insanları və avtomobilləri nəzarətdən keçirmək mümkün deyil.
Mütəxəssislər artıq problemin aradan qaldırılması və məntəqənin fəaliyyətinin bərpası üzərində işləyirlər. Bərpanın dəqiq vaxtı hələ müəyyənləşdirilməyib.
Töhfə Səməd
