“Ferentsvaroş”da ciddi itki
Macarıstanın "Ferentsvaroş" klubu “Qarabağ”a qarşı UEFA Çempionlar Liqasının pley-off mərhələsinin oyunlarına itki ilə çıxacaq.
TodayPress TV klubun mətbuat xidmətinə istinadən xəbər verir ki, futbolçu Habib Mayqa zədəli olduğu üçün Budapeşt təmsilçisinin heyətindən çıxarılıb.
Dayaq yarımmüdafiəçisi Bolqarıstan “Ludoqorets”inə (3:0) qalib gəldikləri III təsnifat mərhələsinin cavab görüşündə zədələnib.
Onu heyətdə avstraliyalı yeni transfer Daniel Arzani əvəzləyəcək.
“Ferentsvaroş”un qışda “Qarabağ”dan transfer etdiyi Julio Romao da zədə səbəbindən sifariş ərizəsinə daxil edilməyib.
Qeyd edək ki, “Ferentsvaroş” və “Qarabağ” arasında avqustun 19-da “Qrupama Arena”da keçiriləcək ilk oyun Bakı vaxtı ilə saat 23:00-da başlayacaq.
Namiq HUN
