Almaniya XİN-ə çağırılan Rusiya səfiri iddiaları rədd etdi: "Mülki obyektləri hədəf almırıq"
Rusiyanın Berlindəki səfiri Sergey Neçayev Almaniya Xarici İşlər Nazirliyinə çağırılması zamanı mülki obyektlərə zərbələr endirilməsi barədə iddiaları rədd edib və Rusiya ordusunun onlara hücum etmədiyini bildirib.
TodayPress TV xəbər verir ki, bu barədə jurnalistlərə Rusiyanın diplomatik nümayəndəliyindən məlumat verilib.
Qeyd edək ki, mayın 26-sı Neçayev Rusiya ordusunun Kiyevdə yerləşən hərbi obyektlərə endirdiyi zərbələrlə bağlı vəziyyətlə əlaqədar Almaniya XİN-ə çağırılıb.
"Səfir mülki obyektlərə hücumlarla bağlı iddiaları əsassız adlandıraraq qəti şəkildə rədd edib. Rusiya Silahlı Qüvvələri heç vaxt mülki infrastruktur obyektlərini, xarici diplomatik missiyaları, mədəniyyət müəssisələrini və jurnalist məntəqələrini məqsədyönlü şəkildə hədəf almır", - deyə səfirlikdən bildirilib.
Aysel Mətləb
