"Facebook" istifadəçilərinə xəbərdarlıq
"Meta" şirkəti dekabrın 15-dən etibarən "Facebook Messenger"in masaüstü proqramını ləğv edəcək. Bu tarixdən sonra istifadəçilər artıq proqram vasitəsilə mesajlaşa bilməyəcək və avtomatik olaraq "Messenger"in veb versiyasına yönləndiriləcəklər.
TodayPress TV xəbər verir ki, bu barədə "Meta"dan bildirilib.
Məlumata görə, istifadəçilər söhbət tarixçələrinin itməməsi üçün "Təhlükəsiz Yaddaş" funksiyasını aktiv etməlidirlər. Bu funksiya mesajları şifrəli şəkildə qoruyur.
İstifadəçilərə keçid üçün 60 günlük müddət veriləcək və proses başladıqda onlara proqramın bağlanması barədə bildiriş göndəriləcək.
Türkan İsgəndərli
