Çinli hakerlər "Microsoft"a hücum etdi

Çin dəstəkləli "Linen Typhoon" və "Violet Typhoon" haker qrupları, eləcə də Çin mənşəli "Storm-2603" adlı qrup korporativ sistemlərdə istifadə olunan "SharePoint" serverlərindəki zəiflikləri istismar edərək hücumlar həyata keçiriblər.

TodayPress TV xəbər verir ki, bu barədə "Microsoft" rəsmi bəyanat yayıb.

Şirkət bu boşluqlara qarşı təhlükəsizlik yeniləmələri yayımladığını bildirərək, bütün istifadəçiləri dərhal sistemlərini yeniləməyə çağırıb. "Microsoft"un məlumatında qeyd olunub ki, təhlükə hələ də qalmaqdadır və yenilənməmiş sistemlər hücumların hədəfi ola bilər. Şirkət araşdırma irəlilədikcə rəsmi blog səhifəsində əlavə məlumatların paylaşılacağını bildirib.

Töhfə Səməd