“Real” Avropanın ən dəyərli klubudur

Football Benchmark təşkilatı Avropanın ən bahalı futbol klublarının adlarını açıqlayıb.   

TodayPress TV xəbər verir ki, təşkilatın rəsmi saytında dərc olunan siyahıya “Real Madrid” klubu başçılıq edir.   

“Kral klubu”nun ümumi dəyəri 6,3 milyard avro olaraq qiymətləndirilib. 

İlk üçlüyə İngiltərə nəhəngləri – “Mançester Siti” və “Mançester Yunayted” də daxil olub.

Dumanlı Albion təmsilçilərinin dəyərləri müvafiq olaraq 5,2 və 5,1 milyard avro təşkil edir. 

Siyahıda qitə futbolunun “Barselona”, “Bavariya”, “Liverpul”, “Arsenal”, “Pari Sen-Jermen”, “Tottenhem” və “Çelsi” kimi aparıcı klubları da yer alıblar.

Bu komandaların dəyəri 4,5 milyard avrodan 2,9 milyard avroya qədər dəyişir.   

Namiq HUN