Kiyevə zərbələr barədə gizli mesaj verilib? – Uşakovdan CAVAB

Rusiya Prezidenti Vladimir Putinin adından ABŞ lideri Donald Trampa Kiyevdəki hərbi obyektlərə zərbələrlə bağlı heç bir mesaj ötürülməyib.

TodayPress TV xəbər verir ki, bunu Rusiya Prezidentinin köməkçisi Yuri Uşakov brifinq zamanı açıqlayıb.

“Xeyr, heç bir mesaj ötürülməyib”, – deyə Uşakov bildirib.

Mayın 25-də Rusiya Xarici İşlər Nazirliyi bəyan etmişdi ki, Ukrayna Silahlı Qüvvələrinin Starobelskdəki kollecə zərbəsinə cavab olaraq Rusiya ordusu Kiyevdəki hərbi obyektlərə və qərar qəbuletmə mərkəzlərinə sistemli hücumlara başlayacaq.

Bunun fonunda Rusiya XİN Ukrayna paytaxtında olan xarici ölkə vətəndaşlarını, o cümlədən diplomatları şəhəri mümkün qədər tez tərk etməyə çağırıb. Yerli sakinlərə isə hərbi və inzibati infrastruktur obyektlərinə yaxınlaşmamaq tövsiyə olunub.

Bundan əlavə, Rusiyanın xarici işlər naziri Sergey Lavrov ABŞ dövlət katibi Marko Rubionu Kiyevdəki Ukrayna hərbi obyektlərinə hazırlanan zərbələr barədə məlumatlandırıb.

Rubio daha sonra bildirib ki, Rusiya tərəfi bütün səfirliklərə Kiyevdə vəziyyətin çox təhlükəli olacağı barədə xəbərdarlıq edib.

Qiymət Mahir