İtaliya Rusiyaya qarşı təzyiqlərin artırılmasını təklif etdi

İtaliyanın Baş naziri Giorgia Meloni Avropa İttifaqı (Aİ) ölkələrinə çağırış edərək, Rusiyaya qarşı sanksiyalarla təzyiqlərin artırılmasını istəyib. 

TodayPress TV xəbər verir ki, bu barədə "Reuters" agentliyi məlumat yayıb.

Meloni bu fikri Ukrayna prezidenti Volodimir Zelenski ilə görüşü zamanı bildirib.

İtaliya hökuməti Aİ daxilində Rusiyaya qarşı sərt siyasətin və Ukraynaya hərtərəfli dəstəyin tərəfdarı olduğunu bir daha təsdiqləyib. Görüş zamanı hər iki lider Ukraynanın suverenliyinə və təhlükəsizliyinə yönəlmiş dəstəyin davam etdirilməsinin vacibliyini vurğulayıb.

Türkan İsgəndərli