İraq Qəzza zolağı və Livanın yenidən qurulmasına 20 milyon ayıracaq

İraq Qəzza və Livanın yenidən qurulması üçün hər birinə 20 milyon dollar ayıracaq.   

TodayPress “RİA”ya  istinadən xəbər verir ki, bunu İraqın Baş naziri Məhəmməd əl-Sudani Ərəb Dövlətləri Liqasının (LAS) Bağdadda keçirilən sammitində bildirib.   

Onun sözlərinə görə, ərəblərin birgə işini aktivləşdirmək üçün ümumilikdə 18 təşəbbüs təqdim olunacaq. 

Qeyd edək ki, mayın 17-də Bağdadda Ərəb Liqasının 34-cü sammiti keçirilir.

Bu, təşkilatın 2025-ci ildə ikinci belə tədbiridir.   

Birinci sammit martın 4-də Qahirədə baş tutub  və burada Qəzza zolağındakı vəziyyət müzakirə olunub.