Dünyada matça qıtlığı

Dünyada matça yaşıl çayına maraq sürətlə artdığı üçün onun ehtiyatlarında çatışmazlıq yaranıb. 

TodayPress TV xəbər verir ki, bu barədə "The Washington Post" yazır.

Bildirilir ki, sosial mediada populyarlaşması və Yapon mədəniyyətinə olan maraq bu içkinin satışını kəskin şəkildə artırıb. Bəzi mağazalar artıq adambaşına yalnız bir paket matça satır. 

Məlumata görə, son 4 ildə satışlar 940% artıb. Satıcılar həmçinin qiymət artımı və çatdırılmalarda gecikmələr barədə xəbərdarlıq edirlər.

Qeyd edək ki, matça çayı qədimdən bəri Çində becərilib, lakin Yaponiyaya 16-cı əsrdə gətirilib və əsasən isti su ilə içilən toz halında təqdim olunur. Bu gün o, həm içki, həm də qida və kosmetik məhsullarda istifadə olunur.

Türkan İsgəndərli