Aİ Trampın Lyayenlə görüşündən narahatdır

ABŞ prezidenti Donald Tramp ilə Avropa Komissiyasının sədri Ursula fon der Lyayen arasında Şotlandiyada planlaşdırılan görüş, tərəflərin ticarət razılaşmasına yaxınlaşdığına işarə edir. 

TodayPress TV xəbər verir ki, bu barədə "Politico" nəşri məlumat yayıb.

Mənbələrin bildirdiyinə görə, Avropa diplomatları hələlik ehtiyatlı yanaşır və razılaşmanın rəsmi imzalanmasını gözləyirlər. 

Diplomatlar Trampın təkbətək danışıqlara üstünlük verməsinin Avropa İttifaqı ilə münasibətlərdə səmərəli işləməməsindən narahatdırlar. Aİ tərəfi strukturlaşdırılmış və kollektiv qərarverməyə əsaslanan mexanizmlə fəaliyyət göstərdiyi üçün belə yanaşma qeyri-müəyyənlik yaradır.

Qeyd edək ki, Donald Tramp iyulun 25-dən 29-dək şəxsi səfərlə Şotlandiyada olub. 

Türkan İsgəndərli