“Qarabağ” Azərbaycanın xal ehtiyatını artırdı

Azərbaycanın UEFA reytinqində xal ehtiyatı artıb.

TodayPress TV xəbər verir ki, bu, “Qarabağ” klubunun Çempionlar Liqasının III təsnifat mərhələsində “Şkendiya” (Şimali Makedoniya) üzərindəki qələbəsi (1:0) sayəsində mümkün olub.

Skopye uğurundan sonra Azərbaycanın reytinqinə daha 0,250 xal yazılıb. 

Nəticədə Azərbaycanın sön 5 mövsümdəki xalı 19,000-ə çatıb. Hazırda UEFA reytinqində 28-ci yerdəyik. 27-ci pillədə olan Ukraynanın 19,225 xalı var. 

Qeyd edək ki, Azərbaycan avqustun 7-də “Araz-Naxçıvan”ın Kipr “Omoniya”sına qarşı evdə, “Sabah” klubunun isə Bolqarıstan “Levski”sinə qarşı səfərdə keçirəcəyi Konfrans Liqasının III təsnifat mərhələsinin ilk oyunlarındakı nəticələrindən asılı olaraq reytinqdə irəliləyə bilər. 

Namiq HUN