İsti hava immun sisteminə təsir edir

Araşdırmalara görə, həddindən artıq isti yaşlı insanların immun sistemini və bağırsaq sağlamlığını zəiflədir.

TodayPress TV xəbər verir ki, bu zəiflik, isti iqlimlərdə daha geniş yayılan təhlükəli bakteriyalara, xüsusilə də "Vibrio vulnificus" kimi infeksiyalara qarşı həssaslığı artırır.

Eksperimentlər zamanı müxtəlif yaş qruplarından olan heyvanlar müasir iqlim şəraitinə uyğun temperatur rejiminə məruz qoyulub. Nəticələr göstərib ki, yaşlı orqanizmlərdə bağırsaq baryeri daha çox zədələnir, sistemli iltihab artır və immun cavab zəifləyir. Həmçinin, bağırsaqlarda antibiotiklərə davamlı zərərli bakteriyaların artması müşahidə olunub.

İlk dəfə olaraq, istilik stressi ilə infeksiya riski arasında birbaşa əlaqə qurulub. Araşdırma, probiotiklərin bağırsaq sağlamlığını dəstəkləyərək immun funksiyanı bərpa edə biləcəyini də ortaya qoyub.

Türkan İsgəndərli