Zəif torpaqda bitki yetişdirməyin yolu tapıldı

Yaponiya və Avstraliyadan olan alimlər “Hakea laurina” adlı bitkinin fosforu az olan torpaqlarda yaşama sirrini açıqlayıb.

TodayPress TV xəbər verir ki, "New Phytologist" jurnalında dərc olunan araşdırmaya görə, bitki “klaster köklər” adlanan xüsusi kök dəstələri yaradır.

Bu köklər torpağa turşular ifraz edərək fosforu daha asan udmağa kömək edir.

Alimlər HalALMT1 adlı zülalın bu prosesdə əsas rol oynadığını və torpaqdakı alüminiumu da zərərsizləşdirdiyini aşkarlayıblar. Bu mexanizm digər kənd təsərrüfatı bitkilərində də tətbiq olunsa, fosfor gübrələrinə olan ehtiyac azalacaq.

Bu kəşf, qida maddəsi az olan torpaqlarda məhsul yetişdirməyə imkan verə bilər.

Qiymət Mahir