Yer kürəsində bulud örtüyü azalır

Yeni beynəlxalq araşdırmaya görə, Yer kürəsində buludlu ərazilər hər onillikdə 1,5–3% azalır. Bu, günəş şüalarının kosmosa əks olunmamasına, nəticədə isə Yer səthinin daha çox isinməsinə səbəb olur.

TodayPress TV xəbər verir ki, 24 illik peyk məlumatlarına əsaslanan tədqiqat NASA və Avstraliyanın Monash Universiteti tərəfindən aparılıb. Nəticələrə görə:

• Fırtına buludları qütblərə doğru çəkilir.

• Tropiklər genişlənir, ekvatora yaxın ərazilərdə buludlar azalır.

• Daha az bulud — daha çox günəş enerjisi Yer tərəfindən udulur.

• Bu, istixana qazlarının təsirini daha da artırır və istiləşməni sürətləndirir.

Tədqiqatın həmmüəllifi Kristian Yakob bildirib ki, bu, son illərdəki qeyri-adi istilərin əsas səbəblərindən biridir:

“Bu dəyişikliklər artıq qlobal istiləşməyə birbaşa təsir edir. İqlim böhranı ilə bağlı ciddi addımlar atmaq vaxtıdır”.

Alimlər xəbərdarlıq edir ki, buludların necə yaranması və günəş işığını nə qədər əks etdirdiyini anlamaq, gələcək istilərin sürətini proqnozlaşdırmaq üçün əsas amildir.

Qiymət Mahir