“Apple” “iOS 26”nı buraxır

İKT

25.07.2025 17:35

“Apple” şirkəti “iPhone” modelləri üçün “iOS 26” əməliyyat sisteminin ictimai beta versiyasını istifadəyə verib. 

TodayPress TV xəbər verir ki, bu barədə “Rozetked” məlumat yayıb. 

Nəşrin məlumatına görə, yeni sistem “Liquid Glass” adlanan yenilənmiş interfeys dizaynı, daxili tətbiqlərin genişlənmiş funksiyaları və “Apple Intelligence” platforması üzərindən süni intellekt dəstəyi ilə diqqət çəkir. 

“iOS 26”nın əsas yeniliklərindən biri “mesajlar” tətbiqindəki dəyişikliklərdir. İndi istifadəçilər fərdi söhbət fonları seçə, səsli sorğular göndərə, qrup söhbətlərində yazma göstəricisi görə və spam mesajların qarşısını alan filtrlərdən faydalana bilərlər. 

“Kamera” proqramı da yenidən dizayn edilib: əsas funksiyalar birbaşa ana ekrana yerləşdirilib, əlavə parametrlər isə ayrıca tablarda toplanıb. 

“Şəkillər” tətbiqində isə əvvəlki “iOS” versiyalarından tanış olan "kitabxana" və "kolleksiyalar" nişanları geri qaytarılıb. 

Aysel Mətləb

tag: Apple,İOS26,iPhone,Liquid Glass,Todaypress.tv,