"Apple" insan gözü ilə müqayisə olunan kamera hazırladı

"Apple" mühəndisləri performans baxımından insan gözü ilə müqayisə edilə biləcək yeni kamera sensoru ixtira ediblər. 

TodayPress TV xəbər verir ki, bu barədə "MacRumors" məlumat yayıb.

ABŞ Patent və Ticarət Nişanları İdarəsinin (USPTO) məlumat bazasında yerləşdirilmiş patentdə "iPhone" üçün geniş dinamik diapazon və aşağı səs-küy səviyyəsi ilə seçilən yeni kamera sensoru təsvir edilir.

Yeni texnologiya işığın müxtəlif səviyyələrdə tutulmasına zəmanət verir və səs-küyün qarşısını alma mexanizmlərini ehtiva edir. Patent müəllifləri sensorun dinamik diapazon səviyyələri baxımından insan gözü ilə müqayisə olunduğunu bildirir.

Kamera sensoru iki mərhələdə işləyir: işığın ötürdüyü detalları qeyd edir və sonra təsviri emal edir. İxtiranın əsas komponenti lateral overflow inteqrasiya kondansatörü (LOFIC) adlı sistemdir. Bu sistem hər pikselin səhnənin parlaqlığından asılı olaraq fərqli miqdarda işıq qəbul etməsinə imkan verir. 

Qeyd edək ki, insan gözünün dinamik diapazonu təxminən 20-30 dayanacaq səviyyəsində qiymətləndirilir, müasir smartfon kameraları isə 10-13 dayanacaq diapazonuna malikdir. 

Türkan İsgəndərli