ABŞ “Intel”də 10 faiz paya sahibdir

ABŞ Prezidenti Donald Tramp bildirib ki, hökumət hazırda “Intel” texnologiya şirkətində 10 faiz paya malikdir.

TodayPress TV xəbər verir ki, Tramp bu barədə “Truth Social” hesabında məlumat paylaşıb. 

O, “Intel”in baş direktoru Lip-Bu Tan ilə müzakirələr apardığını qeyd edib.

“Birləşmiş Ştatların indi daha parlaq gələcəyi olan böyük Amerika şirkəti “Intel”in səhmlərinin 10 faizinə tam sahiblik etməsini elan etmək mənim üçün böyük şərəfdir. Hazırda dəyəri təxminən 11 milyard dollar olan bu səhmlər üçün ABŞ heç bir ödəniş etməyib. Bu, həm Amerika, həm də “Intel” üçün böyük uğurdur. Şirkətin istehsal etdiyi qabaqcıl yarımkeçiricilər və çiplər ölkəmizin gələcəyində həlledici rol oynayacaq”, – deyə Tramp vurğulayıb.

Qiymət Mahir