UFC ulduzları Bakıya gəlir

UFC-nin Şöhrət zalının üzvü və keçmiş orta çəki çempionu Maykl Bisping UFC-nin Azərbaycanda keçiriləcək ilk tarixi turniri çərçivəsində Bakıya gələcək.   

TodayPress TV Bakı Şəhər Halqasına istinadən xəbər verir ki, Maykl Bisping, Brendon Fitzcerald və Pol Felder iyunun 21-də “Baku Crystal Hall”da baş tutacaq möhtəşəm UFC turnirinin rəsmi şərhçiləri olacaqlar. 

UFC dünyasının canlı əfsanəsi Brus Baffer isə turnirin oktaqon aparıcısı olacaq. 

Gecənin əsas qarşılaşması yarım ağır çəkidə keçmiş UFC çempionu Camal Hill ilə keçmiş titul iddiaçısı Xalil Rauntri arasında baş tutacaq.

Gecənin ikinci əsas qarşılaşmasında isə Azərbaycan təmsilçisi Rafael Fiziyev İqnasio Baxamondes ilə münasibətlərinə aydınlıq gətirəcək.   

Namiq HUN