Poqbanın transfer detalları yekunlaşır

“Monako” klubu dünya futbolunun tanınmış simalarından biri olan Pol Poqba ilə müqavilə imzalamağa çox yaxındır. 

TodayPress TV xəbər verir ki, bu barədə tanınmış insayder Fabrisio Romano öz sosial şəbəkə hesablarında məlumat yayıb.

Bildirilir ki, transferin son detalları razılaşdırılır və fransalı yarımmüdafiəçi ilə iki illik müqavilə nəzərdə tutulub. 

Hazırda azad agent statusunda olan Poqba ilə “Marsel” klubu da maraqlanır.

Xatırladaq ki, Poqbanın dopinq istifadəsinə görə aldığı 4 illik cəza 18 aya endirilib. O, diskvalifikasiya müddətini artıq bu ilin mart ayında başa vurub. 

Pol Poqba 2023/2024 mövsümündə yalnız iki oyunda “Yuventus”un heyətində meydana çıxıb və o vaxtdan bəri rəsmi matçlarda iştirak etməyib.

Namiq HUN