Güləşçilərimizin Memorialdan qazancı 8 medal oldu

Güləş üzrə Türkiyədə keçirilən Yaşar Doğu, Vehbi Əmrə və Hamit Kaplanın xatirə turniri başa çatıb.

TodayPress TV xəbər verir ki, Kocaeli turnirinin son günündə sərbəst güləş üzrə Azərbaycan millisinin üzvü Cəbrayıl Hacıyev (79 kq) bürünc medal qazanıb.

Nəticədə güləşçilərimizin ənənəvi yarışdan qazandıqları medalların sayı 8-ə çatıb. Onlar 1 qızıl, 3 gümüş və 4 bürünc medal əldə ediblər.

Qeyd edək ki, daha əvvəl yunan-Roma güləşində Nihad Quluzadə (60 kq) və Məhəmməd Şükürzadə (67 kq) gümüş, Laçın Vəliyev (87 kq) bürünc, qadın güləşində Elnurə Məmmədova (53 kq) gümüş, Nərgiz Səmədova (53 kq) və Birgül Soltanova (62 kq) bürünc, sərbəst güləşdə isə Ali Tsokayev (86 kq) qızıl medal qazanıblar.

Namiq HUN