Cokoviç top-tennisçiləri tənqid etdi
İdman
23.08.2025 11:15
“Böyük Dəbilqə” seriyalı turnirlərin 24 qat qalibi, hazırda dünyanın 7-ci raketkası olan serbiyalı tennisçi Novak Cokoviç “Masters” seriyalı turnirlərin iki həftəlik formatına münasibət bildirib.
TodayPress TV xəbər verir ki, o, passivliyə görə top-tennisçiləri tənqid edib.
“Bunun necə baş verəcəyini təsəvvür etmirəm. Bildiyimə görə, müqavilələr kifayət qədər uzunmüddətlidir – təxminən 30 illik. Yalnız bütün “Masters” turnirləri birlikdə çıxış etsə və ATP rəhbərliyi köhnə formata qayıtmağı dəstəkləsə, dəyişiklik mümkündür, amma buna inanmıram. Turnir təşkilatçılarının mövqeyi barədə dəqiq məlumatım yoxdur. Bir çox aparıcı tennisçilərin iki həftəlik yeni formata qarşı olduqlarını gördüm və mən də oyunçuları dəstəkləyirəm. Amma iş hərəkətə gələndə, çox vaxt oyunçular kifayət qədər fəallıq göstərmirlər.
Bu, xüsusilə top-oyunçular arasında tez-tez rast gəlinən vəziyyətdir. Onlar fikirlərini bildirirlər, amma qərar vermək üçün masaya oturmaq lazım gələndə çox vaxt ortada olmurlar. Mən özüm dəfələrlə belə situasiyalarla üzləşmişəm. Bu, təkcə özümüz üçün yox, gələcək nəsillər üçün də vacibdir. Gözləyək görək nə olacaq. Amma açığı, belə uzunmüddətli müqavilələr fonunda yaxın vaxtlarda nəyinsə dəyişəcəyinə inanmıram,” – deyə Cokoviç bildirib.
Namiq HUN
tag: Novak Cokoviç,Tennis,Sensasion,Açıqlama,Todaypress.tv,