Zelenski Putinin Moskvaya “dəvətinə” cavab verdi

Ukrayna prezidenti Volodimir Zelenski Rusiya prezidenti Vladimir Putinin Moskvada ikitərəfli görüş keçirmək dəvətinə cavab verib.

TodayPress TV “RBC-Ukrayna”ya istinadən xəbər verir ki, Zelenski bu barədə Parisdəki iclasdan sonra keçirilən mətbuat konfransı zamanı danışıb.

"Amerikalı tərəfdaşlarımız bizə dedi ki, Putin məni Moskvaya dəvət edib. İnanıram ki, görüşün baş tutmamasını istədiyiniz zaman məni Moskvaya dəvət etməlisiniz", - Zelenski deyib.

Eyni zamanda o qeyd edib ki, əgər Rusiya görüş haqqında danışmağa başlayıbsa, deməli, bu, pis deyil.

"Amma hələlik biz onların müharibəni bitirmək istəyini görmürük. Yetkin liderlər isə bu səviyyəli görüşü hansısa nəticə ilə, daha yaxşı olar ki, müharibəni bitirməklə tərk etməlidirlər", - o əlavə edib.