Ukraynada hərbi vəziyyət yenidən uzadıldı

Ali Rada Ukraynada hərbi vəziyyətin və səfərbərliyin 90 gün müddətinə, noyabrın 5-dək uzadılmasına səs verib.

TodayPress TV xəbər verir ki, bu barədə Ukraynanın “Strana” nəşri məlumat yayıb.

320 deputat lehinə, biri əleyhinə səs verib.

Qeyd edək ki, iyunun 4-də Radanın deputatları 60 yaşdan yuxarı kişilərin könüllü səfərbər olunmasının mümkünlüyü haqqında qanun layihəsini birinci oxunuşda qəbul ediblər.

Sənəd qüvvəyə minərsə, belə vətəndaşlar Ukrayna Silahlı Qüvvələri (AFU) ilə bir il müddətinə müqavilə bağlamaq hüququ qazanacaqlar. Eyni zamanda, yaşlı hərbi qulluqçular üçün iki aylıq sınaq müddəti tətbiq olunacaq və bu müddət ərzində onlar müqaviləni ləğv edə biləcəklər.

Nicat Osman