Türkiyədə fabrikdə 32 nəfər qazdan zəhərləndi

Dünya

03.10.2025 05:00

Türkiyənin Bartın şəhərində 1 000 işçinin çalışdığı kauçuk məmulatları fabrikinin 32 əməkdaşı yeni alınan avadanlığın qazından zəhərləniblər.

Bu barədə TodayPress TV yerli mətbuata istinadən xəbər verir.

Məlumata görə, onlarda ürəkbulanma, qusma, başağrısı müşahidə olunub. Zərərçəkənlər təcili yardım və şəxsi avtomobillərlə şəhərdəki xəstəxanalara çatdırılıblar. Onlardan 26-sı tibbi müdaxilələrdən sonra buraxılıb.

Qeyd edilir ki, hazırda altı işçinin müalicəsi davam edir.

Hadisə ilə bağlı araşdırmalara başlanılıb.

TodayPress TV

tag: Türkiyə, Bartın, Qaz, Zəhərlənmə, todaypress.tv,