Tramp və Putinin Budapeştdə gözlənilən görüşü yeni suallar doğurur

ABŞ Prezidenti Donald Tramp və Rusiya Prezidenti Vladimir Putin arasında Budapeştdə planlaşdırılan görüş Ukraynanın diplomatik səylərini ciddi şəkildə zəiflədib.

TodayPress TV “Blumberq”ə istinadən xəbər verir ki, Ukrayna Prezidenti Vladimir Zelenski Trampın “Tomahavk” raketlərinin göndərilməsi və Senatın Rusiyaya qarşı yeni sanksiyaları ilə bağlı qeyri-müəyyən açıqlamalarından dərin narahatlıq keçirir.

Məlumata görə, bu iki məsələ yenidən qeyri-müəyyən müddətə təxirə salına bilər.

Strateji və Beynəlxalq Araşdırmalar Mərkəzinin Rusiya və Avrasiya məsələləri üzrə baş elmi işçisi Mariya Sneqova bildirib ki, Moskva Vaşinqtonun antirusiya addımlarını ləngitməyi bir daha bacarıb:

“Putin ABŞ-nin ehtiyac duyduğu silahların Ukraynaya çatdırılmasını və Trampın planlaşdırdığı enerji sanksiyalarının icrasını gecikdirərək faktiki olaraq vaxt qazanır”.

Jalə Rövşən

TodayPress TV