Tramp Ukraynaya yardımı təzyiq alətinə çevirir

ABŞ Prezidenti Donald Tramp Ukraynaya hərbi yardımı təzyiq vasitəsi kimi istifadə edərək prezident Volodimir Zelenskini Rusiya ilə danışıqlara başlamağa məcbur etmək niyyətindədir.

TodayPress TV xəbər verir ki, bu barədə Almaniyanın “Focus” jurnalı məlumat yayıb.

Nəşrin yazdığına görə, Vaşinqtonun Ukraynaya silah tədarükünü dayandırması əvvəlcədən planlaşdırılmış addımdır və Tramp bununla özünü “krizis meneceri” kimi təqdim etməyə çalışır.

Buna baxmayaraq, Tramp daha sonra Ukraynaya müdafiə xarakterli yardımın artırılacağını bildirib. Xüsusilə Patriot hava hücumundan müdafiə sistemləri üçün 10 raketin dərhal göndəriləcəyini və əlavə tədarük kanallarının axtarılmasına dəstək verəcəyini vəd edib.

Qiymət Mahir