Rusiya təyyarələri sınaq uçuşu keçirdi

Rusiya Aerokosmik Qüvvələrinə məxsus "Tu-95MS" strateji raketdaşıyıcı təyyarələri Barents dənizinin neytral suları üzərində planlı uçuş həyata keçirib. Uçuş 4 saatdan çox davam edib.

TodayPress TV xəbər verir ki, bu barədə Rusiya Müdafiə Nazirliyi məlumat yayıb.

Məlumata əsasən, "Su-33" qırıcıları tərəfindən bu uçuş zamanı təhlükəsizlik müşayiəti təmin olunub.

Nazirlik bildirib ki, uzaqmənzilli aviasiya heyətləri mütəmadi olaraq Arktika, Şimali Atlantika, Sakit okean, Baltik və Qara dənizlərin neytral suları üzərində uçuşlar həyata keçirir.

Qurum həmçinin vurğulayıb ki, Rusiya Aerokosmik Qüvvələrinin bütün uçuşları hava məkanından istifadə üzrə beynəlxalq qaydalara uyğun şəkildə icra olunur.

Türkan İsgəndərli