Qazaxıstan Britaniya ilə hərbi əməkdaşlıq planı imzaladı

Qazaxıstan Müdafiə Nazirliyinin idarə rəisi, polkovnik Erboli Kumarbekulinin rəhbərlik etdiyi nümayəndə heyəti Böyük Britaniya ilə hərbi əməkdaşlığın başlanmasına dair sənəd imzalayıb.

TodayPress TV xəbər verir ki, bu barədə Qazaxıstan hökumətinin rəsmi saytında məlumat verilib.

Sənəd Londonda imzalanıb. 

Görüş zamanı tərəflər ikitərəfli hərbi əməkdaşlığın cari vəziyyəti və gələcək perspektivlərini müzakirə ediblər. Razılaşmaya əsasən, Qazaxıstan hərbçiləri Böyük Britaniyanın hərbi təhsil müəssisələrində ali təhsil almaq imkanı əldə edəcəklər.

Tədbirin sonunda tərəflər Qazaxıstan və Böyük Britaniya Müdafiə Nazirlikləri arasında 2025–2026-cı illər üçün Hərbi Əməkdaşlıq Planı imzalayıblar.

Türkan İsgəndərli