Pakistanda daşqınlar 30-a yaxın insanın həyatına son qoydu

Pakistanda ən azı 24 nəfər bu həftə güclü yağışlar və qəfil daşqınlar nəticəsində həyatını itirib. Həlak olanlar arasında 12 uşaq da var.

TodayPress TV xəbər verir ki, bu barədə "AFP" məlumat yayıb. 

Musson mövsümü bölgədə bu həftənin əvvəlində başlayıb. Son 24 saat ərzində daşqınlar və torpaq sürüşmələri nəticəsində 11 nəfərin öldüyü bildirilir. Bəzi şəxslər güclü yağışlar zamanı evlərin divarlarının və damlarının uçması nəticəsində həyatını itiriblər.

Ölənlər əsasən Pəncab və Xayber Paxtunxva əyalətlərində, həmçinin Svat vadisində qeydə alınıb.

Pakistanın Milli Meteorologiya Xidməti xəbərdarlıq edib ki, güclü yağışlar və qəfil daşqınlar riski ən azı iyulun 1-nə qədər yüksək olaraq qalacaq.

Töhfə Səməd