Mask nömrəsini dəyişdi, mesajlar cavabsız qaldı

ABŞ Konqresinin Nümayəndələr Palatasının spikeri Mayk Conson prezident Donald Trampla “Tesla” və “SpaceX”in rəhbəri İlon Mask arasında baş verən münaqişəni aradan qaldırmaq cəhdi barədə danışıb.

TodayPress TV xəbər verir ki, “New York Post”a müsahibə verən Conson, Tramp və Mask arasında barışığa vasitəçi olmağa çalışdığını bildirib.

Onun sözlərinə görə, mübahisədən sonra Maskla əlaqə saxlamaq istəyib, lakin göndərdiyi uzun mesaj cavabsız qalıb. Səbəb isə sahibkarın telefon nömrəsini dəyişməsi olub.

“Mesaj göndərdim, sonra anladım ki, nömrəsi dəyişib. Həmin mesaj heç vaxt oxunmadı", – deyə Conson vurğulayıb.

Buna baxmayaraq, o, sonradan üçüncü şəxs vasitəsilə Maskla əlaqə qurduğunu bildirib.

Qiymət Mahir