Liverpul hadisəsi: Saxlanılan şəxs qəsdən adam öldürməyə cəhddə ittiham olunur

Böyük Britaniya polisi Liverpulda avtomobili izdihamın üzərinə sürən 53 yaşlı şəxsin qəsdən adam öldürməyə cəhddə ittiham olunduğunu bildirib.

TodayPress TV xəbər verir ki, bu barədə "Reuters" məlumat yayıb.

Həmçinin, həmin şəxs narkotik maddələrin təsiri altında avtomobil idarə etməkdə və təhlükəli sürücülükdə də şübhəli bilinir.

Polisin məlumatına görə, hadisə nəticəsində yaralanan 11 nəfər hələ də xəstəxanadadır. Onların vəziyyəti sabit olaraq qiymətləndirilir.

Töhfə Səməd