Konqoda kilsəyə silahlı hücum: 38 nəfər həyatını itirdi

Konqo Demokratik Respublikasında ibadət üçün kilsədə toplananlara qarşı təşkil olunan silahlı hücum nəticəsində azı 38 nəfər ölüb, 15 nəfər isə yaralanıb.

TodayPress TV xəbər verir ki, bu barədə "Reuters" məlumat yayıb.

Hadisə ölkənin şimal-şərqində yerləşən İturi vilayətinin Komanda şəhərində baş verib.

Rəsmilərin verdiyi məlumata görə, hücum Müttəfiq Demokratik Güclər (ADF) adlı üsyançı qrup tərəfindən həyata keçirilib.

Həmin qrup 2019-cu ildə İŞİD-ə sədaqət andı içib və əsasən keçmiş ugandalı üsyançılardan ibarətdir.

Silahlılar Komanda qəsəbəsindəki Katolik kilsəsinə basqın edərək, ibadət üçün toplaşmış dinc sakinləri hədəfə alıblar. Hadisə nəticəsində yaralananların müalicəsi davam edir.

Töhfə Səməd