Japarov və Putin ABŞ-Rusiya sammitini müzakirə etdilər

Qırğızıstan Prezidenti Sadır Japarov və Rusiya Prezidenti Vladimir Putin arasında telefon danışığı olub. 

TodayPress TV xəbər verir ki, bu barədə Qırğızıstan prezidentinin mətbuat xidməti məlumat yayıb.

Danışıqlar zamanı liderlər Alyaskada keçirilən ABŞ-Rusiya sammitinin nəticələrini müzakirə ediblər.

Bəyanatda qeyd olunub ki, sammit qlobal gərginliyin azaldılması və qarşılıqlı etimadın möhkəmləndirilməsi istiqamətində mühüm addım olub.

Japarov bildirib ki, Rusiya və ABŞ arasında əldə olunan qarşılıqlı anlaşma Ukraynada münaqişənin sülh yolu ilə həllinə şərait yarada bilər.

Xatırladaq ki, avqustun 15-də ABŞ və Rusiya prezidentləri Alyaskada görüşüblər. Bu, son 7 ildə ilk genişmiqyaslı görüş olub. 

Türkan İsgəndərli