İran: ABŞ ilə danışıqlar mümkün deyil

İranın BMT-dəki daimi nümayəndəsi Əmir-Səid İrəvani bildirib ki, Vaşinqton İranla danışıqlarda şərtlər diktə etdiyi müddətdə Tehran ABŞ prezidenti Donald Trampın administrasiyası ilə danışıqlara getməyəcək.

TodayPress TV xəbər verir ki, bu barədə "CBS News" məlumat yayıb.

İrəvani qeyd edib ki, İran dialoqa açıqdır, lakin ABŞ-nin İranın nüvə obyektlərinə zərbə endirməsindən sonra danışıqlar üçün lazımi şərait qalmayıb. Onun sözlərinə görə, nə danışıqlarla, nə də prezidentlə görüşlə bağlı hər hansı müraciət daxil olmayıb.

"Əgər onlar danışıqlara həqiqətən hazırdırlarsa, biz də buna hazırıq. Amma əgər bizə şərtlər diktə olunacaqsa, bu halda heç bir danışıqlar mümkün deyil”, - deyə diplomat əlavə edib.

Türkan İsgəndərli