Fransa Ukraynaya “Aster” raketləri və “Mirage” qırıcıları göndərəcək

Fransa yaxın günlərdə Ukraynaya əlavə “Aster” zenit-raketləri və “Mirage” tipli döyüş təyyarələri göndərəcək.

TodayPress TV xəbər verir bu barədə Fransa Prezidenti Emmanuel Makron “İstəklilər koalisiyası”nın Kiyevə yardım üzrə iclasında çıxışı zamanı bildirib.

Makronun çıxışının videosu Yelisey sarayının “X”  sosial şəbəkəsində yayımlanıb.

“Yaxın günlərdə Ukraynaya əlavə ‘Aster’ raketləri göndərəcəyik. Bununla yanaşı, yeni hərbi təlim proqramları həyata keçiriləcək və əlavə ‘Mirage’ qırıcıları da Ukrayna ordusuna təhvil veriləcək”, – deyə Fransa lideri bəyan edib.

Makronun sözlərinə görə, bu qərar Ukraynanın hava hücumundan müdafiə və aviasiya potensialını gücləndirmək məqsədi daşıyır.

Aynur TAC

TodayPress TV