Fransa hərbi münaqişə ehtimalına qarşı səhiyyə sistemini hazırlayır

Fransa hakimiyyəti mümkün hərbi münaqişə fonunda səhiyyə sistemini fövqəladə rejimə keçirməyə hazırlaşır.

TodayPress TV xəbər verir ki, bu barədə satirik “Le Canard enchaine” qəzeti daxili sənədlərə istinadla yazıb:

"Regional səhiyyə agentliklərinə həkim və tibbi personalın döyüş bölgəsindən yaralıların kütləvi qəbuluna hazırlıq tapşırılıb".

Fransa Səhiyyə Nazirliyinin dövriyyə məktubunda qeyd olunur ki, agentlik direktorları tibbi ictimaiyyəti hərbi dövr məhdudiyyətləri, resurs çatışmazlığı və ölkə ərazisində yarana biləcək nəticələr barədə məlumatlandırmalıdır.

Plan çərçivəsində xüsusi tibbi mərkəzlərin yaradılması nəzərdə tutulur. Bu mərkəzlər pik dövrlərdə gündə 250-yə qədər yaralı qəbul edə biləcək. Proqrama bütün tibbi mütəxəssislərin – ixtisasından asılı olmayaraq – cəlb olunacağı bildirilir.

Məlumatda o da vurğulanır ki, genişmiqyaslı münaqişə halında hərbi hospitalar mülki xəstələrə yardımın azaldılması hesabına belə, yerləri yaralı hərbçilər üçün boşaltmalı olacaqlar.

Qiymət Mahir