Tramp və Zelenski Ukraynaya silah tədarükünü müzakirə edəcək

Oktyabrın 17-si ABŞ Prezidenti Donald Tramp və Ukrayna Prezidenti Volodimir Zelenski Ağ Evdə görüşüb, Kiyevə hansı silahların verilməli olduğunu, o cümlədən “Tomahawk” uzaqmənzilli raketlərinin mümkün tədarükünü müzakirə edəcəklər.

TodayPress TV xəbər verir ki, bu barədə “RBC-Ukrayna” “Axios”a istinadən məlumat yayıb.

“Tərəflər Ukraynaya hansı silahların tədarük edilməsinin məqsədəuyğun olduğunu, xüsusilə də ABŞ-nin müharibə içində olan bu ölkəyə uzaqmənzilli “Tomahawk” raketləri göndərməli olub-olmadığını müzakirə edəcəklər. Bu raketlər vəziyyəti kökündən dəyişə bilər”, - deyə nəşr yazıb.

Nəşrin mənbəsi bildirib ki, uzaqmənzilli raketlər Ukraynaya Rusiya materikinin uzaq bölgələrini, o cümlədən Moskvanı hədəfə almağa imkan verəcək.

Aysel Mətləb

TodayPress TV