"Boeing" şirkəti 173 nəfərin ölümündə günahlandırıldı

Jeju Air qəzasında həyatını itirənlərin ailələri Boeing-ə qarşı iddia qaldırıb.

TodayPress TV xarici KİV-ə istinadən xəbər verir ki, Cənubi Koreyanın Muan Beynəlxalq Hava Limanında baş verən Jeju Air qəzasında 179 nəfərin həyatını itirməsi ilə bağlı qurbanların yaxınları ABŞ-da Boeing şirkətinə qarşı məhkəmə iddiası qaldırıb.

İddianı hazırlayan üç hüquq firması ailələri təmsil edir və iki ərizə Seattle, Vaşinqton ştatındakı King County Superior Məhkəməsinə təqdim olunub.

Qurbanların yaxınları təyyarənin eniş zamanı çoxsaylı eniş qurğusunun nasazlığına görə Boeing-in məsuliyyət daşıdığını bildirirlər. Hadisə 29 dekabrda Banqkokdan Muan Hava Limanına uçan 737-800 təyyarəsi zolağın sonundakı divara çırpıldıqda baş verib. Qəzada 179 nəfər ölüb, yalnız iki stüardessa yüngül xəsarət alıb.

Araşdırma göstərib ki, pilot eniş zamanı quş vurması barədə xəbərdarlıq alıb. Mühərriklərin yoxlanılması zamanı lələk və qan izləri, həmçinin Baykal ördəyinin DNT-si aşkarlanıb. Qəza sonrası Cənubi Koreya hava yolları təhlükəsizlik standartlarını yenidən gözdən keçirib və əlavə tədbirlər tətbiq edib.

Jalə Rövşən

TodayPress TV