Amazon qəbiləsi "New York Times"ı məhkəməyə verdi

Braziliyada Amazon meşələrində yaşayan Marubo qəbiləsi "New York Times" qəzetini məhkəməyə verib və yüz milyonlarla dollar təzminat tələb edib. 

TodayPress TV xəbər verir ki, bu barədə "AP" agentliyi məlumat yayıb.

Qəbilə qəzetin onları "texnologiya və pornoqrafiyaya aludə olmuş" kimi təsvir etməsinə etiraz edir.

Məqalədə qeyd olunub ki, 2023-cü ilin sonunda Marubo qəbiləsi "Starlink" internetindən istifadə etməyə başlayıb və bundan sonra bəzi sakinlər sosial şəbəkələrə, futbola və pornoqrafiyaya maraq göstərib.

Qəbilə bildirir ki, bu yazı onların imicinə zərər vurub və yanlış təəssürat yaradıb.

Hərçənd "New York Times" sonradan materialın təkzibini dərc edib, qəbilə buna baxmayaraq, məhkəməyə üz tutub.

Türkan İsgəndərli