ABŞ tələbə vizalarının verilməsi üçün yeni tələb tətbiq edir

ABŞ tələbə vizalarının verilməsini yenidən bərpa etmək niyyətindədir. Lakin viza almaq istəyənlərdən sosial media profillərinə baxışa icazə vermələri tələb olunacaq.

TodayPress TV xəbər verir ki, bu barədə ABŞ Dövlət Departamenti məlumat yayıb.

Bildirilib ki, viza hüquq deyil, imtiyazdır və müraciət edənlərin sosial media hesabları yoxlanacaq. Bu, milli təhlükəsizliyə təhdid yaradan şəxsləri müəyyən etmək məqsədilə edilir.

Təhsil müəssisələrinə müraciət edənlər və mübadilə proqramlarında iştirak etmək istəyənlər bütün sosial media hesablarını açıq etməlidirlər.

ABŞ-nin xaricdəki səfirlikləri tezliklə viza ərizələrini qəbul etməyə başlayacaq, ona görə müraciət edənlər müvafiq saytları izləməlidirlər.

Türkan İsgəndərli