ABŞ İspaniyanın "Huawei" ilə müqaviləsindən narazıdır

ABŞ hakimiyyəti İspaniya Daxili İşlər Nazirliyinin Çin şirkəti "Huawei" ilə imzaladığı müqavilə ilə bağlı narazılığını bildirib. 

TodayPress TV xəbər verir ki, bu barədə “El Pais” qəzeti məlumat yayıb.

Söhbət məhkəmə və prokurorluq orqanlarının apardığı istintaq çərçivəsində əldə edilən dinləmə materiallarının rəqəmsal arxivdə saxlanması üzrə "Huawei" ilə 12,3 milyon avro dəyərində bağlanmış müqavilədən gedir. Madrid rəsmiləri qeyd edib ki, bu məlumatlar xarici şəbəkəyə çıxışı olmayan qapalı sistemdə saxlanacaq və milli təhlükəsizliyə heç bir risk yaratmır.

Lakin qəzetin diplomatik mənbələrə istinadla yaydığı məlumata görə, ABŞ tərəfi bu əməkdaşlığı “qırmızı xətt” kimi qiymətləndirib və açıq narazılığını ifadə edib.

Qiymət Mahir