ABŞ-də Tramp üçün daha möhtəşəm hərbi parad hazırlanır

ABŞ Prezidenti Donald Tramp iyun ayında ordunun 250 illiyi münasibətilə keçirilən paraddan narazı qaldığı üçün Hərbi Dəniz Qüvvələri (HDQ) bu payız daha genişmiqyaslı tədbir hazırlamağa başlayıb.

TodayPress TV xəbər verir ki, “The Wall Street Journal” (WSJ) administrasiyadakı mənbələrə istinadla yazır: 

“Vaşinqtondakı paraddan sonra Tramp köməkçilərinə məyus olduğunu bildirib. Buna görə də ABŞ Hərbi Dəniz Qüvvələri bu payız daha möhtəşəm, gəmilərin iştirakı ilə parlaq şou təşkil etməyə çalışır”.

Qeyd edək ki, 14 iyun — Trampın ad günü — 1775-ci ildə Britaniya müstəmləkəçiliyinə qarşı mübarizəyə başlamış Kontinental ordunun yaradılmasının ildönümü münasibətilə parad keçirilib.

Trampın bioqrafı, jurnalist Maykl Vulfun sözlərinə görə, ABŞ lideri tədbirdən ciddi şəkildə narazı qalıb. O bildirib ki, Trampı ən çox əsəbiləşdirən əsgərlərin “həddindən artıq rol oynaması” olub və prezident onları “şou göstərməkdə” ittiham edib.

Qiymət Mahir