3 yaşlı uşaq 18-ci mərtəbədən yıxıldı, sağ qaldı

Çinin Xançjou şəhərində 3 yaşlı uşaq 18-ci mərtəbənin pəncərəsindən yıxılsa da, sağ qalıb. 

TodayPress TV xəbər verir ki, uşaq binanın altında olan ağacın üstünə düşüb və bu, onun yerə düşməsini yüngülləşdirib.

Uşaq həmin vaxt nənə və babasının himayəsində olub. Onlar uşağın yatdığını düşünərək qısa müddətə evdən çıxıblar. Uşaq isə oyanaraq hamamdakı pəncərədən yıxılıb.

Yerli sakinlərdən biri uşağı yerdə görərək dərhal təcili yardım çağırıb. Həkimlər onun sol qolunun sındığını, lakin başından zədə almadığını bildiriblər. Uşaq hazırda müalicə alır və vəziyyəti yaxşıdır.

Uşağın atası minnətdarlıq əlaməti olaraq onu xilas edən ağacın gövdəsinə böyük qırmızı çiçək bağlayıb. Bu, Çində şərəf və bayram simvolu hesab olunur.

Türkan İsgəndərli